Ei! Berriak

Elgoibarrek 0-4 urte bitarteko umeentzako jolasgunea inauguratuko du

Maialen Gurrutxaga alkateak azaldu duenez, “zerbitzua doakoa izango da eta ez dago zertan Kirol Patronatuko bazkide izan behar”

Leku berria ostiral honetan zabalduko da

ELGOIBAR | Elgoibarko Udalak ostiral honetan, abenduak 1, Olazaiga kiroldegiko gimnasioetako batean 0-4 urte bitarteko haurrentzat bereziki diseinatutako jolasgunea inauguratuko du.

Ekimen honen helburu nagusia haur txikienei espazio atsegina, beren beharretara egokitua eta segurua eskaintzea da, gozatu eta garatu ahal izateko. Jolasgune hori haurren beharretara eta adinetara egokituta egongo da, eta, horrela, haurren entretenimendurako giro egokia bermatuko da.

Jolaserako gunea izateaz gain, ekimen honek familia ezberdinen arteko interakzioa eta topaketa ere sustatuko ditu, komunitatean harreman berriak sortuz. Gurasoentzako eta zaintzaileentzako topagunea izatea espero da, esperientziak partekatzeko eta gizarte-harremanak sendotzeko.

Jolasgunea irekitzeko ordutegia honako hau izango da:

  • Ostiraletan: 16:00 – 19:30
  • Larunbatetan: 09:30 – 12:30 eta 16:00 – 19:30
  • Igandeetan: 09:30 – 13:00

Maialen Gurrutxaga alkateak azaldu duenez, “zerbitzua doakoa izango da eta ez dago zertan Kirol Patronatuko bazkide izan behar”. Berretsi du gainera zerbitzua bultzatzeko asmo tinkoa: “0-4 urteko haurrentzako jolasgunea 2023-27 Legealdi Planeko proiektuetako bat da, lantzen ari garena une honetan, eta zeina egonkor egin nahi dugun; beraz, behin betiko eremu bat garatu artean, kiroldegiko gune berri hau egongo da zerbitzua eskaintzen behin behinekoz”. 

Garrantzitsua da gogoratzea kiroldegiko arau orokorrak aplikatuko direla, besteak beste, barnealdean erretzeko debekua, izendatu gabeko eremuetan jateko edo hondakinak sortzeko debekua edo animaliarik ez onartzea 

Halaber, jolasgune hori erabiltzeko arau espezifiko gehigarriak ezarriko dira, hala nola, haurrek beti heldu baten laguntza behar izatea, haurrei lekua emateko heldu kopuru txikia mantentzeko gomendioa, eta zarata minimizatzeko eskaera, erabiltzaile guztientzako esperientzia atsegina bermatzeko.

Gune berri hau Udal Kiroldegiko instalazioei ongietorria emateko urrats berria da eta Elgoibarko Udalak ingurune seguru eta lagunkoi batean gaztetxoen garapenerako eta dibertimendurako aukerak eskaintzeko duen konpromisoa adierazten du.

 

Deja un comentario

Tu dirección de correo electrónico no será publicada. Los campos obligatorios están marcados con *


El periodo de verificación de reCAPTCHA ha caducado. Por favor, recarga la página.

Este sitio usa Akismet para reducir el spam. Aprende cómo se procesan los datos de tus comentarios.

Disponible para Amazon Prime