Antolatzaileek dei egin diete debarrei, boluntarioak beharrezkoak baitira aurten ere Erregeen Kabalgatak udalerriko kaleak zeharkatu ditzan
DEBA | Udalak iragarri du boluntarioak behar direla Errege Kabalgata antolatzen laguntzeko. Errege Kabalgata Errege Gauean izaten da herrian; urtez urte, Errege Magoek, Meltxor, Gaspar eta Baltasarrek, Debako kaleak zeharkatzen dituzte laguntzaile leialekin batera.
Tradizio horri eusteko, eta Erregeen Kabalgata arrakastatsua izan dadin, antolatzaileek herritarrei egin diete dei ekitaldia antolatzeko boluntario gisa parte har dezaten; “izan ere, herritarren laguntzarik gabe, Erregeen Kabalgata ez egiteko arriskua dago».
Antolatzaileek gogorarazi dute, Erregeen Kabalgatan boluntario gisa parte hatuz, ospakizun tradizional honen alaitasunean eta magian murgiltzeko aukera izaten dutela herritarrek. Erregeen laguntzaileek zeregin berezia betetzen dute, haur eta familiei gozokiak eta opariak emanez. Horrela, parte hartu nahi dutenek email bat idatzi behar dute erregekabalgatadeba@gmail.com helbidera.
