«Bizitzarako trebetasunak» eta «Bokazioa eta etorkizunerako erabakiak hartzea» tailerrak maiatzaren 8an eta 22an egingo dira, hurrenez hurren
DEBA| Treba Nerabeak programaren baitan, 12 eta 16 urte bitarteko gazteei zuzendutako bi tailer antolatu ditu Debako gaztelekuak, Udalarekin lankidetzan. «Bizitzarako trebetasunak» eta «Bokazioa eta etorkizunerako erabakiak hartzea» izeneko tailerrak, hain zuzen, maiatzean egingo dira, parte-hartzaileei hazkunde pertsonal eta profesionalerako tresna praktikoak eskaintzeko helburuarekin.
Lehenengo tailerra, «Bizitzarako trebetasunak«, maiatzaren 8an izango da, 16:00etatik 18:00etara. Saio honetan, eguneroko bizitzarako funtsezko gaitasunak landuko dira, hala nola autonomia, emozioen kudeaketa eta gizarte-trebetasunak.
Bigarren tailerra, «Bokazioa eta etorkizunerako erabakiak hartzea«, maiatzaren 22an egingo da, 16:00etatik 18:00etara ere bai. Topaketa honetan, gazteei euren bokazio-interesak deskubritzen lagundu eta etorkizun akademiko eta profesionalari buruzko erabaki informatuak hartzeko tresnak emango zaizkie.
Bi tailerretan parte hartzea doakoa da, baina aldez aurretik izena ematea beharrezkoa da. Dagoeneko zabalik dago horretarako epea eta interesdunek debakogaztelekua2@gmail.com helbidera idatziz eman dezakete izena, aforoa bete bitarte.
