Parte hartu nahi duten haurrek uztailaren 7ra arte dute izena emateko epea dute
DEBA | Datorren abuztuaren 15ean, San Roke jaien egitarauaren baitan, Umeen Eguna ospatuko da Deban. Egun horretan, ohikoa den moduan, haurren danborrada egingo da, umeentzako beste hainbat jarduera eta emanaldirekin batera.
Euren seme-alabek danborradan parte hartzea nahi duten familiek dagoeneko zabalik dute izen-emate epea. Horretarako, ezinbestekoa da ondorengo galdetegia betetzea eta haurraren datuak bertan txertatzea, uztailaren 7a baino lehen.
Gainera, ekitaldia prestatzeko entseguak antolatu dira Luzaro Eskolan (Ifar kalean), 19:00etan, uztailaren 21ean eta 28an, eta abuztuaren 4an, 7an eta 11n.
Edozein zalantza argitzeko, helbide elektroniko honetara idatz daiteke: debakoumeeneguna@gmail.com
