Maite Peña Gizarte Politiketako diputatuak parte hartuko du
EIBAR | Eibarko EAJ-PNV datorren abenduaren 14an, eguena, Maite Peñarekin topaketa irekia antolatu du Batzokian (Ego Gain 1, 1. D). Interesa duenak izena eman beharko du eajpnveibar@gmail.com postara idatziz edo 943120616 telefonora deituz.
Peña Zainketetako eta Gizarte Politiketako diputatua da Gipuzkoako Foru Aldundian 2015etik eta, beraz, ondo baino hobeto ezagutzen du zaintzei lotutako arloa eta bere ekosistema osoa. Helburua EAJk etorkizunerako lantzen ari den zaintza ereduaren berri ematea da; «sendoa, eraldatzailea, feminista eta komunitarioa izango dena, eta lidergo publikotik abiatukoa».
Topaketa arratsaldeko 7etan izango da eta «Batzokiko Berbaldiak» ekimenaren barruan dago kokatuta. Ekimenaren hirugarren saioa izango da hau. Azkenekoz, Aitor Esteban Kongresuko Euskal Taldearen bozeramailea egon zen Eibarren.
