Apirilaren 5ean eta 6an ospatuko da Orbe Kardinal plazan
ERMUA| Asteburu honetan Euskal Jaia ospatuko da Ermuko Orbe Kardinalaren Plazan hainbat ekitaldiekin.
Egitaraua apirilaren 5ean hasiko da 12:30ean «Dantza eta Kantu Poteoa» rekin, dantza eta kantu tradizionala uztartuz eguerdian eta 19:00etan Nuestra Señora de las Nieves eta Txindurri taldeek kolorez eta erritmoz beteriko erakustaldia eskainiko dute. 20:00etan, berriz festak erromeria batekin jarraituko du, Itzal taldearen doinuek lagunduta, eguna jai-giroarekin itxiz.
Eta igandean, apirilaren 6an, goizeko 11:00etan, kalejira batek emango dio hasiera bigarren egunari, ingurua alaitasunez zeharkatuz. 12:30ean dantza erakustaldia izango da eta 16:30ean, bertaratzen direnek dantza gidatu batean parte hartu ahal izango dute, ikasteko eta ondo pasatzeko aproposa. Amaiera Ttipika taldeak emango dio 17:30ean Plaza Dantza animatuarekin eta dantzara gonbidatuko ditu guztiak.
