[eiberri.eus] Eibarko ‘On Ekin’ enpresa arloko ideia eta proiektuen lehiaketak baditu irabazleak

  • 4
    Compartidos
Helburua enpresen eta ekintzaileen ideia berriak eta ekimenak bultzatzea eta eskualdean enplegu berria sortzea da
Uztailaren 12an aukeratu ziren proiektu irabazleak. ARGAZKIA: Ekingune
EIBAR.- ‘On Ekin’ enpresa arloko ideia eta proiektuen lehiaketaren 6. edizioak baditu bere irabazleak. Helburua da sormena edo kreatibitatea piztea eta ekintzaileen eta enpresen ekimenak babestea, proiektu edo ideia berriak garatuta eta merkatuan arrakasta izateko aukera dutenak.

Proiektu irabazleak Adarabar 2.000 euroko sari metalikoarekin; Mandira studio 1.000 euroko sari metalikoarekin eta Helmet House Store 300 euroko sari metaliko eta 200€ko saria Ekinguneko bazkideek eskeinitako zerbitzuetan, izan dira.

Ekingune elkartetik antolatu duten lehiaketak bi fase edo zati izan ditu. Lehen fasean, gizarte eta ekonomia arloko eragileez osaturiko epaimahai batek aurtengo edizioan aurkeztu diren proiektu edo ideia bakoitzaren balorazioa egin zuen. Eta bigarren zatian, ‘On Ekin’ afaria egin zute uztailaren 12an eta proiektu irabazlea aukeratuko zuten modu demokratikoan, afarira bertaratzen ziren pertsona guztien artean bozketa eginez. Aurretik, epaimahaiak aukeratutako 5 parte-hartzailek bost minutuko denbora izan zuten beren proiektuak aurkezteko.

Vanesa Hortas, Ekingune elkarteko ordezkariak lehiaketaren aurkezpenean azaldu zuenez , «lehiaketa abian ipini genuela sei urte igaro dira, eta, oro har, 35 proiektu aurkeztu dituzte, 6 urtean, gutxi gorabehera. Horietako gehienak, gainera, errealitate bihurtu dira».

Miguel de los Toyos alkatearen hitzetan, berriz, «On Ekin ekimenaren helburu nagusia da enplegua sortzea, baita aberastasuna lortzea ere, eta, orokorrean, gure hiria eta eskualdea hobetzea».

También te puede interesar

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.