Ei! Berriak

[eiberri.eus] Betiko 50 kanta eta jolasen liburuxka-dvda banatuko da Elgoibarko ikastetxeetan

Elgoibarko Herri Eskolako eta Ikastolako haurren parte hartzea du
14 jolas, 30 kanta-jolas eta 7 abestiz osatutako bilduma da ‘Jira Bueltan’ egitasmoa

ELGOIBAR.- Elgoibarko Udalak, Badihardugu elkartearen “ahotsak ikasgelan” proiektuaren baitan, eta Eskoriatza, Aretxabaleta eta Eibarko udalekin elkarlanean, Jira bueltan izeneko liburuxka eta DVDa argitaratu zuen 2018ko abenduan. Lau herrietako 9 ikastetxetako 300 haur baino gehiagok hartu zuten parte egitasmo honetan. Elgoibarren, Herri Eskolako eta Ikastolako haurrak izan ziren parte hartu zutenak.

51 kanta eta jolas jaso ziren guztira. Adineko 60 lekuko baino gehiagoren testigantzetan oinarritutako kantak eta jolasak dira, gehienak Debarrokoak.

Ikasturte honetan ere, ikastetxeetan banatuko du Jira Bueltan liburuxka-DVDa Elgoibarko Udalak, Lehen Hezkuntzako 1. mailan, hain zuzen. Hori bai, aisialdian erabiltzeko ere oso aproposa da material hau, guraso zein hezitzaileentzat.

Gainera, liburuxka-DVDan datozen kanta eta jolas guztiak “Ahotsak Ikasgelan” webgunean ere jarri dira herritarren eskura: http://ikasgelan.ahotsak.eus/fitxak/ .

JIRA BUELTAN: Betiko 50 kanta eta jolas liburuxka-DVDa

Zer da Jira Bueltan?

Bilduma bat: 14 jolas, 30 kanta-jolas eta 7 abesti

Liburuxka (letrak, azalpenak, irudiak) eta DVDa (bideoak)

Zer adinetako umeentzat?

0-12 urte, baina batez ere 4-10 urte bitartekoentzat

Norentzat da aproposa?

Umeekin jolastu nahi duen edonorentzat, baina bereziki guraso, irakasle eta hezitzaileentzat

 

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.