Bertako merkatari eta ekoizleen produktuak erosteko aukera egongo da
DEBA| Bihar, larunbata, Merkatu Txikia ospatuko da Deban, bertako merkatari eta ekoizleen produktuak jasotzen dituen merkatua.
Merkatua 9:00-13:30 bitartean egingo da, estalitako pasealekuan eta bertan parte hartuko dute parte Donienek (barazkiak), Kortaberrik (barazkiak), Berbelarrek (gazta) eta Goienetxek (gazta). Ekimen honen bitartez, helburua da bertako produktuen salmenta sustatu eta ekoizleen lana balioan jarri eta indartzea, debarren zein bisitarien artean.
