Hainbat kategoriatan garaipen garrantzitsuak lortu dituzte
KIROLAK | Urbat-ek asteburu bizi eta arrakastatsua izan du lehiaketan, hainbat kategoriatan lortutako garaipen garrantzitsuekin.
Jardunaldia ostiralean hasi zen Orbean, jubenilen taldearen lehen partiduarekin. Náutica Portugaleteren aurka jokatu zuten norgehiagoka oso lehiatuan, eta intentsitate handiko neurketaren ondoren, gure jokalariek 11-9ko garaipen bikaina lortu zuten.
Larunbatean Hiru Urak taldearen partida izan zen lehenengoa, gure kadete nesken taldeak etxean, Paco Yoldi igerilekuan, CDW Urgara Txingudiren aurka 12-3 irabazita.
Partidu hau amaitu gabe, eskola-taldearen partidua hasi zen, gure alebinak eta benjaminak WP Donostia Txuriaren aurka aritu ziren. Ahalegin handia egin arren, 5-2 galdu zuten, bi taldeen arteko adin-desberdintasunak baldintzatutako neurketa batean.
Ondoren, Altzan jokatu zen master jardunaldia, eta gure taldeak garaipen sendoa lortu zuen Larrainaren aurka, 17-12.
Larunbateko jardunaldia Paco Yoldi igerilekuan amaitu zen, Senior A taldearen eta Unión WP Teneriferen arteko partidarekin. Giro ikusgarrian, Urbateko zaleak harmailetan lagun, gure taldeak 17-13ko garaipen garrantzitsua eskuratu zuen. Partidako MVP-a Ander Treviño izan zen.
Igandea ere etxean hasi zen, jubenilen taldearen bigarren partidarekin, CDW Urgara Txingudiren aurka berriz ere nagusituz, 16-3ko emaitzarekin.
Ia aldi berean, kadete mutilen taldea Larrainara joan zen, Euskal Herriko Ligako talde indartsuenetako baten aurka, Navarraren kontra, jokatzeko. Partida bikain batean, gure jokalariek 12-16ko garaipen garrantzitsua lortu zuten.
Asteburua Orbean amaitu zen Senior Emakumezkoen taldearen garaipenarekin, CDW Urgara Txingudiren aurka 14-12 irabazita, klubarentzat jardunaldi bikaina borobilduz.
