Ohiko moduan, Merkatu Txikia, 09:00etatik 13:30ak arte egingo da, estalitako pasealekuan
DEBA| Gaur, apirilak 5, Debako Merkatu Txikia egingo da, bertako merkatari eta ekoizleen produktuak jasotzen dituen merkatua, alegia.
Ohiko moduan, Merkatu Txikia, 09:00etatik 13:30ak arte egingo da, estalitako pasealekuan. Musikaz girotuta egongo da, eta bertaratzen direnek tokiko produktuak erosteko aukera izango dute.
Larunbateko Merkatu Txikian, hain zuzen, Donienek (barazkiak), Kortaberrik (barazkiak), Berbelarrek (gazta) eta Zampanok (artisau garagardoa) hartuko dute parte. Ekimen honen bitartez, helburua da bertako produktuen salmenta sustatu eta ekoizleen lana balioan jarri eta indartzea, debarren zein bisitarien artean.
