Eibarko lehen txistulari banda 1935. urtean sortu zen
EIBAR| 2025ean, 90 urte beteko dira Eibarren txistulari banda bat sortu zenetik, hori dela eta Eibarko Usartza taldeak kontzertu berezi bat eskainiko du apirilaren 6an, eguerdiko 12:45ean udaletxeko arkupetan.Igande honetako kontzertuan txistuaren doinuak entzuteaz gain, 90. urteurren honen hurrengo emanaldiak emango dira ezagutzera.
Duela 15 urte, 2010ean, 75. urteurrena kontzertu eta emanaldi bereziekin ospatu zuten lehen txistulari banda hark lehenengo kontzertuan jo zituzten obrak interpretatuz.
Igande honetako kontzertuan izaera eta estilo ezberdineko obrak joko dituzte:
ATIARNO (fandangoa eta arin arina) P. Onraita
SOKA DANTZA J.I. Ansorena
DOINUA ETA BARIAZIOAK W. A. Mozart
«AMAYA» OPERAren EZPATA DANTZA J. Guridi
AGUSTIN, XANTIN ta JUAN JOXE (Rapsodia) I. Ansorena
Lehenengo txistulariak Eibarren
1566. urtean Anton de Ybarra lehen danbolinaren erreferentzia dago, orduan instrumentista bakar batek txistua eta danbolina jotzen zituen. Gerora, 1935eko urteen poderioz, Eibarko lehen txistulari banda sortu zen, gaur egun ezagutzen den bezala.
Lehenengo banda Leon Laspiur (1go txistua), Florencio Ansola eta Lucio Bengoa (2. txistua 2), Sabino Barrenetxea (silbotea) eta Pedro Alberdik (danborra) osatu zuten.
Gaur egun, baja batzuen ondoren eta Elena Perez zuzendariaen heriotza goiztiarraren ondoren, Usartza Txistulari Taldea honako hauek osatzen dute: Enrique Montero (zuzendaria eta 1. txistua), Iratxe Gimenez eta Leire Arrizabalaga (2. txistua), Xabier Zorrakin eta Asier Castelos (silbotea), German Ereña (danborra) eta Iñaki Orbegozo (danborra, xilomarimba eta tronpa).
«75. urteurren horretatik aurrera, beste 15 urte bete ditugu emanaldiekin, eta Musika Eskolaren eta Udalaren laguntza izan arren, ez da erraza txistulari berriak erakartzea, urteek aurrera egin ahala, gure hirian errotuta dagoen tradizio bat ez galtzeko Mendeurrena bueltan da, baina aurten merezi duen ilusioarekin ospatu behar dugu 90. urteurren hau. » adierazi dute Usartzako txistulariek.
